بقلم نجيب داود

جلسَ مخلصنا يسوع المسيح بين تلاميذه وعلَّمهم قائلاً: طوبى للمساكين بالروح، لأنَّ لهم ملكوت السماوات، طوبى للحزانى فانهم يتعزون، طوبى للودعاء لأنهم يرثون الأرض، طوبى للجياع وللعطاش الى البر لأنهم يشبعون، طوبى للرحماء لأنهم يُرحمون، طوبى لأنقياء القلوب لأنهم يعاينون الله، طوبى لصانعي السلام لأنهم أبناء الله يُدعون. طوبى للمطرودين من أجل البر لأن لهم ملكوت السماوات. طوبى لكم اذا عيروكم وطردوكم وقالوا عليكم كل كلمة شريرة من أجلي. إفرحوا وتهلّلوا لأن أجركم عظيمٌ في السماوات فانهم هكذا طردوا الأنبياء الذين قبلكم.

تسلَّحوا بالدين بالإيمان
ولا تخافوا من العطش والجوع
كلما عطشتوا بنده العطشان
يترك الساقي ويقصد الينبوع
وكلما تجوعوا بقول للجوعان
يصلي لربو والطلب مسموع
وكلما حزنتوا بقول للحزنان
الرب ما بيترك قلب مفجوع
إرحم البأرض يا انسان
بيرحمك ربك اذا موجوع
البيعيّرك بالشتم تا تنهان
اغفرلو الإهاني والتفت لطلوع
اللي بيطردك باللوم والخذلان
بفرحه كبيري عالج الموضوع
وقول مهما تحتمل صلبان
مع آلامك يا قلب يسوع
???
المال كلّو بهالدني باقي
وكل الدني بتضل بمحلاَّ
ترسمل بالله الخير بتلاقي
وبيصير فيك ظروفك تجلاَّ
يسوع وحدو درعك الواقي
آمن وعنّك ما بيتخلاَّ
ومنشان ما تعيش العمر شاقي
والله بنورو عليك يتجلَّى
خلّي ضميرك طاهر وناقي
عا مرايتو بتقشع وجه الله
???
كون يا إنسان قلب ملاك
وحافظ عا لاهوتك عا آدابك
بالصلا بتبني إلك مدماك
بقصر الأماني بتفتح بوابك
تأمل وشوف نجوم هالأفلاك
بتشوف الله بنور إعجابك
تحمَّل شقا الايام شو ما جاك
الله بيوفي كل أتعابك
الله بجمالات الخلق حلاَّك
وعا صورتو عا هالارض جابك
وبالعقل زيَّن شخصك وأعطاك
روح الوفا تا تقدر حبابك
من هيك شو ما يكون استهلاك
لشعورك وما يحسبوا حسابك
ومهما إلك عملوا حِفَر وشباك
ضلّك تحمّل كل شي صابك
تا يضلُّن يقولوا إلك طوباك
والسما والأرض لما تموت
يترحموا تنينن على ترابك.