بقلم نوفل حنا نوفل – سيدني
اربع سنين عذاب متل أيوب
متل شمعة نوُر عم بتدوب
ما شفتي يوم بلا اوجاع
وكلمة آخ عندك شي ممنوع
ما شفت بهالدني ايمان متل إيمانك
متل ما بدك حقق كل أحلامك
ما همك المرض وكل هالاوجاع
همك الوحيد يوصل عالسما هامك
ما همك تقولي يا عمري رجاع
همك تكوني بنت الرب بايمانك
* * *
ديانا عرفتي الدني بلا ايمان خرباني
أمراض بالأوجاع والاحزان ملياني
عرفتي الايمان وحدو بينصر الانسان
عا كل شيء بهالدني فاني
عرفتي الرب وحدو بيبدل الاحزان
بيعطي الفرح لقلوب عطشاني
ما خلق عالارض تا يخلّد الانسان
وما خلق انسان أفضل من التاني
وهبك قيامة بواسطة الايمان
تفرّح قلوب كتير حزناني
قبلتي كلامو بقلب عطشان
ربحتي قيامة بمجد علياني
كان همك تساعدي الانسان
وتعطي بشر بالفقر خلقاني
وحياتك محبة وعطف وحنان
وايمان غني ومجد رباني
عشتي برحمة من خالق الأكوان
ومشيتي طريق الرب فرحاني
تركتي وراكي المال والخلان
وعن كنوز الدني ولا يوم سئلاني
هيدي طريق الرب قالها من زمان
تخلّص الانسان من نار العذاب
دستور الله والفضل رباني
* * *
يا طالعة عا سما الرب العلية
يا باقة ورد حلوة بمزهرية
انتي طلعتي عالسما منشان
تشوفي الاحبا وامي وبيي
سلّمي عا كل الراحوا من زمان
مع الف سلام وأشواق وتحية
* * *
أيامنا عالارض متل يوم وعَبر
مهما نعيش مش ممكن نرد القدر
الموت ما عندو لا كبير ولا صغير
هيك الله راد ديّان البشر
* * *
وقبل ما اختم كلمتي بهيكي ظروف
الله خلقنا وكان بحبو عطوف
هدانا الرب امجادو العلية
وعطانا القيامة تا مجدو نشوف
لا تزعلوا من ألموت مش النا
الموت لإبليس الطريق فشّلنا
ايمانك بيسوع وحبو الكبير
غيابك عن الكل اليوم صبّرنا
وهلق بقلك ديانا بالسما ارتاحي
المع يسوع عالموت انتصر
نشكر الرب صرتي بالسما فكر صاحي
وفرح وسرور متل زخ المطر
وبطلب تكوني خالدي مع الله والمسيح وبطلب الرحمة تكون لباقي البشر ،
بقلم اخيكِ نوفل نوفل الذي لا ينساكِ الى الأبد \\سدني اوستراليا
