تابعنا على

Share on facebook
شارك على
Share on twitter
شارك على
Share on linkedin
شارك على

ولما رجع مخلصنا من الاردن ممتلئاً من الروح القدس…

من أقوال مخلصنا يسوع المسيح له المجد على الدوام،
ولما رجع مخلصنا من الأردن ممتلئاً من الروح القدس وكان يُقتادُ بالروح في البرية يوماً يُجرَّبُ من إبليس ولم يأكل شيئاً في تلك الأيام، ولما تمت جاع أخيراً وقال له إبليس إن كنتَ ابن الله فقل لهذا الحجر أن يصير خبزاً فأجابه يسوع قائلاً مكتوب أن ليس بالخبزِ وحده يحيا الإنسان بل بكل كلمة من الله فحاول إبليس أن يجرب مخلصنا فقال له مخلصنا سوف أعطيك سلطاناً على كل ممالك المسكونة ومجدني فأجابه يسوع اذهب يا شيطان للرب أسجد وإياه وحده تعبد.

يسوع نور الكون والآيات
شعشع بنورو وقال للمجموع
آمنوا بالرب بالسماوات
بتسيطروا عالشر والممنوع
ومن بعدما بأردن الميات
الفيها تعمَّد وارتوى الينبوع
يسوع حَبّ يروح عالغابات
يصلِّي تحت تقل العطش والجوع
إبليس نار الشر والويلات
القلبو بزفت التجربي منقوع
قلُّو ليسوع بعز هالصلوات
انكنّك من كلامك طلب مسموع
انت صايم صرلك زمانات
لا خبز في عندك يشد طلوع
اعمل عجيبي وغيِّر الحالات
ما زالت من ربَّك انت مصنوع
هالحجر لازم تعملو خبزات
تا تشبع وتنهي معي الموضوع
يسوع قلّو الخبز بالكلمات
المن عند الله بندها مرفوع
والله وروح القدس ذات بذات
التقيوا سوى بجوهر قلب يسوع
***
وإبليس قلّو كل شي بعطيك
وبشهد إلك عا طول بزيادي
سلطان بعطيك وأنا بغنيك
وبطعمك من بيدري وزادي
وعالكون كلو برفع كراسيك
ويصير عندك أكتر سيادي
عا شرط بدّي عندما بناديك
تفرش إلي من المجد سجادي
وتسجد إلي تا ضلّ عايش فيك
وتسجد إلي وبقدرتي تنادي
يسوع قلّو ضبضب قواعيك
بلادك ما خلقت تشبه بلادي
إبليس ابعد أمر ما بيعنيك
لا تجربو ليسوع للفادي
الله جنبي لا بقا يخليك
وفرد مرّه اعراف يا يا إبليس
بيي السماوي البعبدو عبادي.

شارك على

Share on facebook
Facebook
Share on twitter
Twitter
Share on linkedin
LinkedIn