تابعنا على

Share on facebook
شارك على
Share on twitter
شارك على
Share on linkedin
شارك على

قصيدة مهداة الى روح الصحافي العصامي المرحوم جان سمعان

بقلم الشاعر نجيب داود

يا ابن بيت كبير عالي الشان

اللي تحت سقفو ترعرع الإيمان

يا ابن بيت المكرمي والجود

كنت بحياتك للإبا عنوان

بقلوبنا باقي كنز مرصود

يا جان يا أطيب قلب يا جان

عيمار ام الكرم والعنقود

بتبكي عليك بدمعة الأحزان

انت الصحافي الأول المعدود

بالثقه والعلم والوجدان

لليوم صوت المغترب موجود

ومكتوب بحروفو إسم لبنان

وعطيت فوق الحد والمجهود

من تضحياتك شمعة التحنان

وبالأدب كنت تحرك الجلمود

من كلامك الكلُّو دهب رنّان

وتسجد تصلي لربنا المعبود

بإيمان منُّو تنوِّر الإنسان

ومين البينسى بيّك المشهود

لمواقفو بالعلم وين ما كان

المرحوم أسعد كلما منعود

نتذكرو بتتمجَّد الأزمان

ومنصير نبكي عا كنز مفقود

وعالزهرة اللي تركت البستان

وبرثيك يا جان بقلب مكمود

ونهدات منها تشلَّع الصوان

انت الكنت بالعبقريي تجود

وقدمت قلبك للأدب قربان

خالد انت زدت الخلود خلود

ولا الفنا همك ولا الأكفان

وبيضل صوت المغترب نمرود

كلما سمعنا صوت نتذكر

صوتك يا جان ويا ابن سمعان

شارك على

Share on facebook
Facebook
Share on twitter
Twitter
Share on linkedin
LinkedIn