بقلم نجيب داود
من أفعال مخلصنا يسوع المسيح له المجد على الدوام، كنتُ ماشياً من الجبل الى مكانٍ آخر. فعند منحدر في قعر الجبل وجدت ابليس فبادرني، عرفتك وسمعت عنك الكثير وأنت سبب وجودي في هذا القعر لأنني أنا ابليس وكنت من جنود الله ولكني رفضتك أن تتجسد من مريم العذراء فقذفوني رفاقي في السماء وقعت من فوق الى تحت الأرض فما رأيك الآن أن أعطيك سلطاناً على مملكتي الأرضية وتسجد لي فبادره مخلصنا يسوع المسيح له المجد على الدوام ابتعد عني يا ابليس اللعين أنا من السماء ابن أبي السماوي. لا أسجد إلا له ولا أعمل إلا بمشيئته فمن مشى في طريق الرب لا ينظر الاّ النور ومن مشى في طريقك يا ابليس لا يشوف الا الضيقة والظلام والسلام على كل المؤمنين.
من الجبل ماشي وإلو هالي
هالتو مش عايزي شهادي
يسوع اللي كل البشر مالي
من حنانو ونعمة الفادي
بقعر الجبل وبأسوأ الحالي
إبليس صار يعنّ وينادي
ويسوع أعلى من الجبل عالي
وإبليس لاطي بكعب هالوادي
***
وبلّش يخطّط يلتفت لطلوع
كيف بدّو يضرّ ويخرّب
قللو ليسوع سمعت والمسموع
ما قدرت لا شرّق ولا غرّب
ومنشان قلّك جوهر الموضوع
بعطيك سلطان الدني وجرّب
نهرو بسرعه ربنا يسوع
وقلّو لهالموضوع لا تقرّب
***
إبليس فلّ وحاج تنصحني
الرب مش ناطر من الشيطان
حتى القوى والخير يمنحني
اللي قصاصك جهنم مع النيران
ما فيك يا ابليس تربحني
انت اللي جنة ربنا خسران
وبالنار عم بتعيش بالمحني
وبجهنم الحمرا صرت غرقان
ربي اللي وحدو عم بيفرحني
إبنو أنا وبنعمتو فرحان
لو حدّو إلهي بسجد وبحني
وفوق سلطانو ما في سلطان
***
لا تزيد يا ابليس بالتحميس
التجربي مش ممكن تحلّك
لا بتقدر تزيد ولا فيك تخيس
حالك عا حالك قادر يدلّك
إبليس مش رح تنقلب قديس
والشر كلّو عايشك كلّك
مأبد إنت محكوم يا إبليس
بجنهم وفيها ثابت محلّك
***
خلّيك يا إبليس بالجمرات
قابع لحالك والنيران شرور
ممنوع يوصلك ندي الغيمات
انت اللعين الجاحد المغرور
خلّيك لا صلوات ولا رحمات
وشاهد عا حالك بالكذب والزور
قبالي ما بدّي تطلّ هالطلات
المنها إستحي واستعيب الديجور
خلّيك يا ابليس بالعتمات
ويسوع ابن الرب بدّو يضلّ
هوِّي الخلاص وعا طريق النور.