غرد النائب المستقيل نعمة افرام عبر «تويتر» قائلا: «ملفت بيان بعبدا إنه تحركات الشارع بتمس بالاستقرار!! ليش وين في استقرار؟! بالليرة اللي صرلا سنة عم تنهار؟ أو بنزيف الدعم يلي عم يتهرب للخارج؟ أو بتحقيق المرفأ ومطاردة «معلم التلحيم»؟ أو باستقرار السلم الأهلي بالسوبرماركت على كيس الحليب؟ أو بـ70% من الشعب فقير؟».
وأضاف: «هل ممكن تحافظوا على وجودكم ومؤسسات البلد راحت. بعد في الجيش بدكون تحطوه بالمواجهة مع الشعب؟! يعني بدكون تحرقوه وتتدفوا عليه كمان؟! لأ لهون وبس. عنوان المرحلة الجديدة لخصا غبطة البطريرك: «خير أن ينفجر الشعب ويبقى الوطن من أن ينفجر الوطن ولا يبقى الشعب».